麥翠嫻嫁女｜足料嫁妝是「必須的」　對女婿讚不絕口：潛力股

「3億富婆」麥翠嫻愛女龔敏晴（Victoria）今晚（20日）在尖沙咀五星級酒店舉行婚禮。場地佈滿了多啦A夢，而長樓梯入口放置了巨型隨意門，來賓包括葉子媚、劉少君、于洋、吳大強、李文標、劉錫賢等人，面場熱鬧。

麥翠嫻同老公接受訪問時，對女婿Jonathan有讚無彈，以「潛質股」形容對方，而她亦透露二人嘅愛的宣言。「佢有話自己有時會大使少少，但老婆知慳識儉，不過我個女又真係好慳。（對女婿好滿意？）我好似多咗個仔咁，本利歸還一樣。」麥翠嫻又指今日賺咗個仔，所以無眼濕濕，反而老公會比較不捨，因為前世情人被搶走。問到會否恨抱孫，麥翠嫻雖然話唔到自己話事，但表情完全出賣了自己。提到送畀女兒嘅嫁妝十分重手，麥翠嫻表示：「必須嘅，因為會賺得返嚟，我心水清，計過㗎嘛。」

一對新人表示籌備多時，今日亦十分開心見到親朋戚友到來，而講到生B一環，新朗哥就話交畀老婆回答，Victoria表示：「順其自然，有就有，無就再等多陣，不過都要啲時間，我哋想二人世界。」