林寶玉出席活動 慘遭薛影儀當眾大鬧死八婆：嚟之前有人話要打我

林寶玉今晚（18/10）現身中環出席慈善活動，意外同薛影儀碰頭，慘遭對方大鬧「死八婆」，黃榕即時出手阻止揞口薛影儀再發聲，場面尷尬。寶玉接受《香港01》訪問時表示：「其實喺我嚟之前收到好多電話，叫我要小心啲，話有人話要打我，嗰刻我係好驚，好怕佢真係會打我，佢打完我之後，我真係又嗰唔知會點。但頭先出嚟嘅時候，我已經避開幾次。而我覺得呢件事都好嚴重嘅，咁所以嚟之前都問大會有冇保安在場。」

被問到剛才有否聽到被薛影儀大鬧「死八婆」？寶玉表示：「其實我係聽唔到，同埋頭先個心係好緊張，好驚佢走埋嚟鬧我，始終現場都好多媒體喺現場，咁我都諗定如果真係不快事件，我諗我嘅反應係離開。（會唔會減少同場機會？）咁我又唔會刻意去避開嘅。」