東張西望｜「太空油」極速崛起成新興毒品　15歲學生分享吸食經歷

過去半年，含有「依托咪酯」成分、俗稱「太空油」嘅電子煙彈極速崛起，成為新興毒品。今晚播出嘅《東張西望》搵嚟15歲學生瑩瑩分享食太空油嘅經歷，她表示去年係喺內地社交平台睇到「上頭電子煙」，剛好有朋友喺內地叫佢一齊食。「第一次係喺街食，一人一啖，半年之後，香港都有渠道拎到，我自己隔一兩日要兩三顆煙彈。」瑩瑩表示有朋友介紹嘅賣家俾自己，透過WhatApps、IG限動即可買到。不過由於吸食後精神變差，所以瑩瑩已經無再服用。

《東張》主持其後亦透過WhatApps同賣家聯絡，對方表示「400/1、700/2、1000/3， 有芒果、水蜜桃、士多啤梨、荔枝味」又游說買家到深水埗自取，之後仲直接打俾買家。有專家指出長期服用太空油，會出現低鉀嘅副作用，導致心律不正、手腳無力甚至死亡。青少年由於腦部仍在發育中，容易被不同物質影響，所以效果會特別強。由於太空油上腦快、藥效短，令吸食者好快得到快感，同時需要不斷吸食去維持感覺。