葉文輝玩直播求婚　承諾照顧未來老婆：嚟緊我希望再變番靚仔

現年43歲的電台DJ葉文輝（啤梨），與圈外女友Michelle拍拖4年十分穩定，而在愛情事業兩得意之下，他最終決定結束單身生活向婚姻殿堂邁進，在Facebook玩直播向女友求婚，獲得大家滿滿祝福。

於昨晚十點時份，啤梨帶同女友Michelle於海旁上，當時她亦顯得有點不知所措，相信Michelle已經知道發生咩事一直講：「唔好搞啲咁嘅嘢。」，而在旁的他亦不時上前安撫她十分貼心。

當兩人轉向海中央的位置時候，一艘郵輪上出現巨型LED燈寫著：「Michelle Will U marry me。」此時啤梨就跪地拿出戒指求婚，Michelle亦感動點頭答應，在旁的親朋好友亦歡呼為他們感到開心。啤梨更在眾人面前講出一番感人說話：「我又唔識氹你喇，掛住做嘢喇，成日都唔識得畀驚喜你，但我會好好照顧你，減咗肥喇。因為當我知道我肥嘅時候你都冇走，嚟緊我希望再變番靚仔。」兩人隨即抱在一起十分浪漫感動。不少網友都紛紛留言恭喜他們，望他們一直幸福下去。