鄧卓殷婚禮明年中舉行 養肥自己出嫁唔急生b
撰文：鄺鈺瑩
出版：更新：
鄧卓殷(Amber）自宣布男友郭子豪求婚成功後，一直未聞婚禮日子，今日（17日）她出席活動時，表示婚期定在明年中。但由於二人太佛系，所以進度十分緩慢。「一開始以為book場就得，原來好多細節嘢，著咩衫、親戚點安排，十步的話我哋行得兩步，不過仲有時間。」鄧卓殷表示目前要做嘅就係增肥，因為唔想喺郭子豪身邊顯得更細粒，至於會否調理好身體生B，她說：「呢個未咁快，但身體健康好緊要。」
問到婚禮會否偏向童話式，鄧卓殷表示唔想太過刻板，所以目前仍在構思。二人朋友眾多，問到會否辦幾場，鄧卓殷表示確在考慮當中。「香港結婚都貴，所以要努力工作。」