前「亞視一哥」舊病復發行唔到　養病個多月感觸良多

61歲嘅前「亞視一哥」林韋辰2021年滿約無綫後北上發展，年初時鮮有公開戀情，獲不少人送上祝福，又大讚林韋辰保養得好好。日前久未露面的林韋辰喺社交平台拍片報平安，指自己坐骨神經舊病復發一個多月，嚴重時連路都行唔到！

影片中，林韋辰本身躺在床上，起身時動作緩慢，落床後全程需要用助行架輔助，他指舊患係以前拍戲時積落，過去一個多月，入院、針灸、復位樣樣齊。「原來一個行路、咁與生俱來嘅動作，佢要攞走你就攞走你，你係動彈不得。所以健康真係太重要。要珍惜健康、珍惜在乎你嘅人。」林韋辰叫大家唔好為任何人透支自己健康嘅身體。