大佬B吳志雄大爆有藝人冇工開 主動埋身𢱑撈北上搵銀：有啲唔得
撰文：吳子生
出版：更新：
吳志雄（大佬B)早前現身尖沙咀出席「媽妹笑住唱PartII」演唱會發佈會。大佬B早年憑港產電影《古惑仔》系列走紅，其後轉戰內地發展進軍飲食界，更不時參演不同影視製作。被問到有什麼片種不會拍？大佬B接受《香港01》訪問時表示：「而家我就唔會再拍黑幫電影。（係咪想洗底？）唔係，我洗底好耐。因為國家需要，同埋之前我拍咗3部江湖片之前喺內地都上唔到，咁所以就費事啲投資者及導演白費心機，咁所以寧願幫劉偉強拍咗一套電影《水餃皇后》，呢套電影仲就嚟上映。」
對於有傳香港電影業界開工不足，面臨全面停工。大佬B表示：「名我就唔開，其實我身邊有認識嘅人係冇工開，而我都有帶佢哋上去出席商演活動，例如去酒吧唱歌，又或者剪綵等。咁都Ok嘅，有啲得，就有啲唔得。始終喺廣東省有啲演員名氣係有嘅，但去到以北嘅就會差啲。而家廣東省又飽和咗，加上經濟又有問題，好多夜場酒吧又執咗笠，咁所以有得做就做。」