前亞視一姐阿儀被指面懵心精　天然呆外表下用英語跟網民交談

前亞視一姐薛影儀，跟好姊妹黃榕出雙入對，經常孖住去遊山玩水，又一起跳鋼管舞，大曬美好身材。不過黃榕本身都要搵食，除了返內地登台，又要教健身，所以間中阿儀都會自己出動，近日阿儀分享自己穿上新疆民族服飾自拍，一貫的出現天然呆，不過其實阿儀「面懵心精」，以天真外表俘虜粉絲外，還懂得用英文回應網民提問，而且不是每個香港人都懂得解答，真正的阿儀頭腦其實不簡單。

阿儀走紅後，每次拍照也是一臉「天然呆」，儼如未經世俗污染，她跟好姊妹黃榕，也習慣孖住出動，但近日阿儀就獨自出巡，還以新疆民俗服飾，打扮成漂亮少女拍照，之後將新相分享至IG，除了有粉絲俾like外，亦有網民專登留難阿儀，由於活動是汕尾文康總會主辦，所以網民問阿儀「汕尾」的英文，阿儀隨即回應「Shanwei」，令網民大為驚訝，紛紛留言指她「查咗幾耐字典？」、「直接問人啦」，阿儀再回應「頭先忙，唔得閒答」，阿儀思路清晰，有紋有路，而黃蓉亦為好姊妹抱不平，指IG對答全部也是阿儀操刀，天真爛漫背後，其實係醒目女。