廉政行動｜張曦雯陀B開工被誤會有咗　陳山聰做陳星妤老竇：賺咗

陳山聰、張曦雯、羅子溢、陳星妤、羅天宇等人今午為《廉政行動2024》進行宣傳，張曦雯於劇中嘅首席調查主任，個性火爆兼要陀B，所以無論身理定心理都有一定挑戰；而陳山聰飾演嘅調查主任，對白極長兼要一鏡到底，最勁一次拍足10 take。另外，為咗出任務，陳山聰其中一幕要同陳星妤扮演父女，他笑言該幕十分浪漫，因為拍攝時全程淋雨。「我賺咗啦，有個咁靚嘅女，同埋本身監製係想我有啲暖男爸爸感覺，所以班下屬好似仔仔女女咁。」

張曦雯表示之前在《再見‧枕邊人》已經試過做媽媽，所以並不會抗拒做大肚婆，而陳山聰亦表示以前可能會有少少抗拒，但如今最緊要有發揮。但問到BB經手人係邊個時，張曦雯即謂：「我自己知，但大家都唔會知，連監製都唔知。因為拍之前有一排無開劇，嗰陣啲crew見到我個肚都唔敢問，以為我有咗，所以我應該都做到大肚婆嘅感覺出嚟。」陳山聰笑言當初睇劇本時，以為自己會係經手人，但監製原來並未有設定經手人一角。