前《3日2夜》女神吳紫韻低調嫁富商　陳婉衡蘇可欣等現身祝賀

現年32歲的TVB娛樂新聞台主播吳紫韻（Purple）因主持旅遊節目《3日2夜》及《姊妹淘》而為人熟悉，之後又憑劇集《婚後事》中半裸脫衣誘惑黎諾懿而引起熱話。今日（9日）她於半島酒店低調出嫁，正式升呢做人妻！

正式榮升人妻，吳紫韻接受《香港01》訪問時稱：「非常開心，今日所有嘢都好順利，雖然我自己有好多大頭蝦嘅位，但係姊妹同賓客都好幫得手，都好開心好順利完成咗喇！」談到新婚喜悅：「非常之多謝大家嘅祝福，我同老公都收到晒，自己都唔慣比人叫陳太。一叫我陳太，我會反應唔切，呆咗喺度，哦原來係叫緊我咁樣。」

同為《3日2夜》女神的陳婉衡和蘇可欣等藝人都有出席，據知吳紫韻神秘老公背景猛料，吳紫韻曾透露：「佢做生意嘅，佢自己都有好多唔同嘅Business。」