余文樂預告將全面復出　頭炮係飛澳洲拍無綫綜藝節目

余文樂自2017年與台灣「皮帶千金」之稱的王棠云結婚後育有一仔一女，加上因工作壓力患上恐慌症，故漸漸淡出幕前演出。不過，余文樂日前出發到澳洲，為TVB拍綜藝節目時就話「今年開始出返嚟做嘢，多謝大家掛心，我開始排到密密麻麻咁做嘢，」余文樂仲叫大家唔使擔心，又透露今次拍攝節目行程比較「慢慢嚟、唔急趕」，所以應該問題不大。

余文樂又話今次拍攝時間長達12日，加上得自己一個，開頭都有少少擔心，但因為當中有唔少地方未去過，所以十分期特。