滑冰女神馬曉晴手術腹部留五吋長疤痕：一開始係好唔開心
撰文：吳子生
出版：更新：
香港花樣滑冰女神馬曉晴（Maisy)今日（7/10）現身香港電台出席第二台廣播劇《畢得鳥劇場》宣傳造勢活動。對於首次聲演廣播劇，Maisy接受《香港01》訪問時表示：「今次我係做啲小朋友嘅姑姐，同埋佢哋一齊做廣播感覺好新鮮，而今次嘅角色同我本身係有啲相似，係好鍾意扮靚，變咗喺聲演方面唔會有難度。」
提到她早前不適入院做手術，導致腹部留下5寸長疤痕。Maisy表示：「其實本身我係冇病冇痛，有次做身體檢查先發覺身體出現咗問題，於是就安排入院做手術。做完手術之後，我諗個幾禮拜我就出咗院，因為我個人坐唔定，同埋郁動多啲都對身體都康復都好有幫助。（手術後留有疤痕？）其實一開始我係好唔開心，一聽到話有疤痕，始終女仔都會貪靚，同埋自己都好鍾意著啲露肚臍嘅衫。咁但係我都覺得係一種經歷嚟，唔應該覺得係一種瑕疵。」