鄭俊弘將逗留美國一個月 陪仔仔參加特殊物理治療課程
撰文：鄺鈺瑩
出版：更新：
鄭俊弘（Fred）兒子被診斷患上罕見遺傳病「天使綜合症」，他早前接受Do姐鄭裕玲電台節目訪問時，透露準備一家三口赴美國，了解「天使綜合症」的新療法。
鄭俊弘今午（6日）出席活動時，透露已向公司請假，下月同埋老婆何雁詩、仔仔一齊到美國，參加當地嘅特殊物理治療課程，為期一個月，每日親子一同上課4個多小時，但他拒絕透露花費多少。「美國有多啲呢類課程，好開心佢接受咗我哋報名，去到之後再了解會唔會有藥物治療。暫定一個月，如果有其他合適治療，屋企人接力。」
鄭俊弘又謂一直有為仔仔喺香港排隊報讀相關治療課程，但名額有限，他亦理解。「如果外國教育係好啲，我哋都會考慮。」