菊梓喬認脫節唔明「SLDPK」點解 一提成龍打保錡勁興奮：想睇
撰文：鄺鈺瑩
出版：更新：
鍾培生宣布落實舉辦年度拳擊盛事《培生擂台：無敵盃》，仲話會聽取網民意見，盡力促成「成龍打保錡」（SLDPK)。菊梓喬今日出席活動，提到「成龍打保錡」時，她即謂：「係咪真？我都想睇！咁犀利，梗係要睇，成龍由細睇到大。」問到會否考慮陪練，她即問：「佢做沙包，我打佢？（或者佢畀人打，你去睇。）好喎，好睇。」
菊梓喬又表示第一次聽到「成龍打保錡」或「SLDPK」時，都搲爆頭不明其意思，又指自己脫節，甚至朋友解釋完都唔太理解。「你明唔明？我真係唔明，歇後語係咩？」得知真正意思後，菊梓喬即傻笑，似乎真係無問過保錡。
保錡近日與ERROR在日本拍攝綜藝，問到會否有收到手信或托對方代購，菊梓喬話唔敢，她又透露上次回應緋聞後，有同對方聯絡。「因為都覺得唔好意思，希望唔好影響佢工作。」