徐少強夫婦追思會｜李修賢讚徐少強為人有義氣：香港江湖上吃得開
撰文：吳子生
出版：更新：
武俠巨星徐少強在9月1日因食道癌病逝於北京，終壽73歲。其細30年愛妻相隔4天，因傷心過度心藏病發離世。今日（5/10）徐少強子女為父母於紅磡世界殯儀館舉行追思會，讓親友作最後悼念。下午3時許，李修賢身穿素服抵達靈堂致哀。他受訪時表示：「我哋係第一期藝員訓練班認識，大家相識53年。佢個人係好好，無論佢有冇錢都好，佢都會食飯埋單，佢個性格係咁，當然佢喺80年代江湖上飲酒發生好多事，你哋都未必會知，就好似佢拍檔唐偉成喺台灣飲醉酒，俾太保用電鑽插籮柚都係佢出面擺平，佢喺香港江湖上面都好吃得開，無論飲酒鬧事，同人嘈，佢都會搞掂。」
李修賢續說：「其實喺佢走之前兩個月，喺香港大家先見過面，當時見佢係冇嘢，但我哋係知佢有病，都有勸佢要喺香港醫病，但係佢性格好硬頸，話冇事返北京醫。（佢係冇戒口照飲酒？）佢係一樣照飲酒，乜嘢都照食，（識唔識佢太太？）北京我唔識，每次食飯都係佢自己出嚟，食飯飲酒係冇帶埋太太嚟。」