「劍神」張家朗竟輸畀「碌棍」　打足兩日上網呻：比賽都冇咁難

「劍神」張家朗身高193cm，既是優才生也是奧運冠軍，亦有一位美女女友，堪稱是人生勝利組，但「格劍」打到出神入化的他，卻打輸「支棍」。早前《黑神話：悟空》遊戲大熱，幾乎所有機迷都沉浸在這款大作之中，但兩個月過後，正當大家都打爆機不再討論的時候，「劍神」張家朗卻在threads上呻「二郎神先係最難打」。

張家朗其後在留言區回答：「我已經打咗兩日。」原來他已花了兩日時間嘗試擊敗遊戲《黑神話：悟空》的最後兩個Final Boss。有不少網民就留言分享過關技巧，有人說：「芭蕉扇+棍花穩贏」而張家朗就回答：「成日有突如其來嘅事發生」。又有人留言：「你唔係前幾日先chapter 3架咩」大爆他瘋狂打機，而張家朗就回應：「努力練習同打機😂」，亦有網民留言說：「會唔會用返自己把劍打順手啲？」張家朗亦笑言：「同佢打返場劍可能易啲😂」。