胡琳出限量黑膠唱片　呼籲樂迷勿炒價入貨

胡琳過往推出的CD及黑膠碟有價有市，即將出的《Me & You》一如以往玩限量，日前她忙於為首批訂售粉絲簽名時，就話已經收到公司通知銷量理想，但完全無加印的打算。「今次出貨量真的好少，還要分了黃色同黑色！黃色是我揀的顏色，為今次project 度身訂做。據往績就一定會有炒價，我同公司訂貨都未確定有幾多隻！」不加印又銷量好，樂迷想入手豈不是要捱貴貨？胡琳就話打算一早落唱片舖幫歌迷入貨。「希望Fans以合理價錢買到，買太貴我心疼你又肉赤！其實出黑膠唱片是我音樂旅程之一，亦可以對高音樂要求的fans有多個選擇。」

近日胡琳忙於唱片宣傳和拍劇，笑言精神分裂難以抽離角色：「一時就做人老婆，一時又話去影唱片封面，真係人都癲啊！不過忙得嚟都享受嘅，做藝人係好鍾意試新嘢！」