企業強人｜陳豪爆監製唔興「飛紙仔」　譚俊彥大讚：劇本係齊晒

陳豪（阿Mo)和譚俊彥(Shaun)今日（4/10）現身中環出席無綫熱播劇集《企業強人》宣傳造勢活動。對於他們兩大視帝坐陣的劇集上周首播，最高收視21.9點（142萬觀眾）成續相當不俗。阿Mo接受《香港01》訪問時表示：「其實係好開心，加上同阿Shaun一齊合作，同埋成個團隊嘅創意，有咁好嘅成續，證明觀眾係受落。」

Shaun接著笑言：「其實有阿Mo喺度，我從來都冇擔心過收視。而今次係少有接到一套劇嘅劇本係齊晒，而編劇編審佢哋好好，第一頁係有晒時間線，第一日開拍嗰日原來係二十幾集，但拍落去全部都接得返晒，成件事係好好。（咁咪唔使飛紙仔！）係冇飛過紙仔。」阿Mo接著說：「其實監製Marco（羅永賢）係唔興飛紙仔，喺未拍之前已經出晒俾我哋，變咗我哋大家都有足夠時間做功課，咁就叫做最好。」阿Shaun續說：「我哋係好幸福。」