「東張女神」公開素顏真面目無損高人氣　開見面會竟然只收呢個價

有「東張女神」之稱的梁敏巧（Maggie），因驕人身材而火速上位，擁有一堆男粉絲。日前她素顏直播開箱Q版deadpool Wolverine，與平日上鏡時的化濃眼妝的艷麗模樣截然不同，眼瞇瞇但就顯得清秀。雖然粉絲未必睇慣素顏的樣子，但當然無損梁敏巧的高人氣，她更成為首位宣布搞見面會的「東張女神」。

梁敏巧日前宣布，為慶祝IG達成10萬追蹤人數，將於本周日（6日）舉行與粉絲「梁粉」的聚會！梁敏巧當日下午會跟粉絲在餐廳燒烤聚餐，收費方面收$399，包一份燒烤午餐，還有禮物包及合照環節，價錢都幾相宜。見面會名額只限20位，人少少就可以與女神近距離接觸，不過很快爆滿。

梁敏巧接受《01娛樂》電話訪問時，透露目前見面會已經滿額，會跟餐廳商討加位。講到有什麼福利給這些粉絲，她說：「可能會送我嘅相加我嘅唇印，近距離單對單合照，同佢哋一齊食飯玩遊戲，同埋準備咗好多禮物畀佢哋抽獎，有送禮物畀佢哋，多謝佢哋一路以嚟嘅支持。」