MC張天賦挑戰愛犬豬柳蛋智慧　年廿八臭到醒發現一屋屎

MC家中愛犬「豬柳蛋」原由朋友所養，因太嘈被鄰居投訴而轉贈給他，與「豬柳蛋」共處一年多，地毯換過四、五張、沙發換過一張，但MC認為「豬柳蛋」整體嚟講都算聽話，尤其在夜深創作時陪伴自己。「我愛佢，但同樣地都好嚴厲。」

不過聽話嘅豬柳蛋都不時「短路」，試過年廿八搞到一屋屎、又試過準備去寵物店沖涼時，一落樓就甩繩，主人唯有喪跑追狗，畫面狼狽又好笑⋯⋯「曾經有後悔過養，因為本身工作關係返到屋企仲要照顧佢，都會諗係咪啱嘅決定，但又藉呢啲機會發現自己可以孭起更多責任，意識到嘅時候會有往『又叻咗』嘅感覺。」想知道更多豬柳蛋同MC如何相愛相殺，即時睇埋影片。