蔣家旻結婚｜榮升人妻分享喜悅　日本搞小型婚禮籌備一年：好感動

蔣家旻與電視台高層男友周永基昨天（26日）於日本輕井澤舉行婚禮，她今天（27日）接受TVB節目《東張西望》訪問時分享榮升幸福人妻的喜悅，並表示：「個婚禮我籌備咗一年，不嬲私人事都會比較低調啲，呢個婚禮都係一路開工籌備處理好多嘢，溝通都係一手一腳踢，日子搵咗師傅擇日亦都啱啱好，呢邊日本都有一個檔期畀海外新人預約，雖然個婚禮小型都係得40位，請咗屋企人同埋圈內嘅朋友，同埋我有好多好close嘅圈中朋友。」

被問到為什麼會在日本舉辦婚禮，蔣家旻笑言：「因為我好多年前已經鍾意呢個教堂，一嚟係好有型，二來佢係一個有機建築，教堂係用有機嘅石頭去建造，採光度都好高，結合咗光同埋石嘅結合，喺教堂裏面就會有一種好神聖俾天眷顧祝福嘅感覺，好感動喺屋企人同埋朋友見證吓就完成咗呢個婚禮！」