雷莊𠒇唔排除繼續選美　冠軍姚祖恩唔肯定有冇100萬獎金

香港區「環球小姐」（Miss Universe）2024選美大賽總決賽今晚（26日）舉行，大熱佳麗姚祖恩成為冠軍；亞軍由10號甄蕎爆冷奪得；曾是2017年港姐冠軍的雷莊𠒇得奪得季軍時難掩失望。

姚祖恩接受訪問時表示滿意賽果，又指大家表現十分出色；雷莊𠒇指比賽有贏有輸，又解釋因為屋企好多嘢發生，所以影響了狀態，但自己十分開心可以再次喺香港舞台表演。問到是否與兩位至親外婆與嫲嫲離世有關，她說：「都有少少影響，同時都掛住Daddy，佢因為入咗院所以今晚嚟唔到。今晚表演、問答環節我都覺得OK，對自己有個交代。（會唔會從此唔再選美？）Never say never，有好多國家我都有護照，到時睇下啦。但呢個可能係叫我專心做演員嘅訊號。」

大會之後曾表示，冠軍得主將獲100萬港幣，問到姚祖恩打算如何運用，她說：「呢個獎金係有機會有，我都未係好知道，所以唔會諗太長遠，如果真係有，可能都係拎去讀書。」將於11月前前往墨西哥參加2024環球小姐全球總決賽，姚祖恩表示會爭取時間再練習，望向雷莊𠒇請教。