棋人十周年｜Bob唔怕有女人埋身　黃長興明盟升成旗下藝人

林盛斌、鍾楚霖創辦的棋人娛樂，今日舉行十周年發布會，旗下藝人小肥、陳慧敏、蔡宛珊及女子組合ALL IN，司儀團隊余迪偉、鄧洢玲（阿旦）、黃天頤，以及新加入的黃長興、季蘋蘋、王鎮泉、庄嘉慧出席外，公司合作夥伴劉浩龍、阮兆祥、甄澤權亦有捧場。

Bob表示過去10年獲不少朋友支持，剛剛在台下重溫片段時都十分值得。「最大考驗係疫情、社會運動，大家一齊去做嘢時都有失去信心，路唔轉人轉，一team人可以做好工作。」Bob表示今年十月將為阮兆祥於澳門舉辦首個全新主題棟篤笑《娛樂隊穿祥之玩轉老朋友》，阮兆祥以「大佬」稱呼Bob，望首站能夠順利舉行。Bob日前在社交平店指將有女人埋身，他指每日都有女人埋身，但並不擔心。「事業繼續做好，屋企小朋友健康快樂成長。」活動尾聲，大家為9月24日出生的Bob慶祝45歲牛一，蛋糕更寫上The God Father，齊齊飲香檳慶祝。