七師傅回應呂爵安公開追林明禎　「任何一個男人同女人一定會夾」

玄學家七仙羽（七師傅）、陳安立和強尼昨日（20日）出席ViuTV選美真人騷《美麗40路》，講到較早前 MIRROR成員Edan（呂爵安）公開追求林明禎，七師傅被問到有否為二人「算吓夾唔夾」，她接受訪問表示：「佢哋夾，任何一個男人同女人一定會夾。」陳安立則在旁笑說：「真係真理！女人同女人都可以夾嘅。」強尼則回應：「我估唔到可以咁樣答。」

七師傅則反駁強尼：「你唔係替佢哋開心咩？點解你要擰歪面？你係咪想追林明禎？」七師傅繼續說：「其實林明禎好容易追，上次我同佢一齊出席活動都見到佢，佢要求好低，好容易追。」講到陳安立會否過兩招追女絕技給Edan，他笑言：「我驚會俾Fans追擊。」七師父坦言Edan不會喜歡似自己的類型，並表示：「因為我比較讀書多，佢唔鍾意呢一類型，佢鍾意靚㗎！」