吳君如預告椰殼look出席夏威夷國際電影節　陳可辛超滿意透視戰衣

陳可辛與吳君如今晚（16日）以透視裝現身慈善晚宴，到場後頻頻轉身做「影後」，君如接受訪問時解釋戰衣係由陳可辛由紐約空運回港。「不過太性感啦，佢係咁叫我轉圈，我著嗰時都好搶心，我面都紅晒。」

君如又指久未與崔始源見面，之前十分欣賞對方，曾考慮找對方拍戲，唯檔期問題未成事。「佢啱啱都話好期待陳生嘅戲。」陳可辛表示一直有留意崔始源，希望有機會能合作。

提到新戲《我談的那場戀愛》票房理想，且獲邀參展下月初舉行的第44屆夏威夷國際電影節「聚焦香港」單元，而君如亦獲頒發夏威夷國際電影節「焦點香港」影人獎 ，以表揚她一直以來對影壇的卓越貢獻及傑出成就，君如表示既激動又感恩。「都係對我嘅一個認可。佢（陳可辛）想去支持我，但訂唔到機票，包私人飛機啦。」君如又笑稱到夏威夷嘅會穿椰殼戰衣加草裙舞，仲話到時會影多啲福利圖同大家分享。