港姐冠軍倪樂琳太靚被質疑整容 用行動力證純天然：要多謝佢
撰文：林迅景
出版：更新：
《2024年香港小姐競選》由倪樂琳當選冠軍，梁嘉莹奪得亞軍及最上鏡小姐，楊梓瑤奪得季軍，而王汛文則得到友誼小姐。競選翌日4位香港小姐會見傳媒，她們紛紛表示賽後最想食煎炸食物，還表示15位佳麗將約埋一齊「打邊爐」。
選後網民在討論區上討論賽果，當中就有網民認為冠軍倪樂琳鼻樑「修葺」過，直指她整容。2024年香港小姐冠軍倪樂琳接受《香港01》訪問時，就以高EQ回應整容疑雲。她說：「咁我多謝佢先，哈哈。（點解？）話我似整容即係話我靚啦，整完都唔靚，佢一定唔會質疑我整容。一定係覺得我靚先覺得我整容。但係我一定係整，女大十八變。」
說罷，倪樂琳轉了一個側身，對着鏡頭用手指將鼻頭抬起，再揑一揑鼻樑，說：「要多謝佢，如果見到我咁，就知道係冇整囉。」