香港小姐2024 ｜4號謝淑怡反駁網民變成寸曾志偉身高　主持譁然

TVB年度選美盛事《2024香港小姐競選》決賽今晚（15日）舉行，其中一個環節要港姐們回應網上評論，有人就說4號謝淑怡似「奸妃」，她回應時卻搬總經理曾志偉上台，更講到「佢嘅魅力唔在於身高」，令全場譁然。香港小姐2024得獎名單｜冠亞季軍已誕生

她發言時食晒螺絲，當說到：「人不可貌相，每個人都有佢獨一無二嘅魅力，同埋只要相信自己有呢個魅力就最好，睇吓總經理，佢嘅魅力唔在於身高或樣貌……」主持麥美恩和何沛珈都「嘩」了出聲，鏡頭更影住台下的曾志偉聽到笑，謝淑怡之後兜返，續說：「……係在乎於佢成千上萬人都希望擁有嘅聰明智慧，識得變通嘅頭腦。」

網民都被她的言論嚇親，留言：「4號咁串？」、「總經理！選我！」、「咁快想溝總經理」。