余香凝自爆未婚前體重曾達138磅 「以前做女好易肥」
撰文：吳子生
出版：更新：
余香凝（Jennifer）今日（10/9）身穿開胸性感白色長裙現身中環，出席著名珠寶品牌活動，盡顯時尚優雅。Jennifer受訪時笑言：「其實點解會着呢條裙，係因為諗過要戴首飾，如果着一啲有領嘅服飾，就好容易將啲首飾遮住咗，今日就冇呢個問題。」
問到余香凝今日一身低胸性感示人，有冇事前讓老公過目？「完全係冇，亦冇通知過，不過只要着得靚佢就冇問題。（有冇時間做運動修身？）其實都好忙冇時間做運動，因為要開戲同埋要湊仔，但我發覺做咗媽咪之後，我個體質唔同咗，以前做女好易肥，試過係138磅，但而家係長時Keep住118磅，可能係精神壓力，要長時間諗小朋友同工作，咁就會自然瘦落嚟。」