郭珮文「最強body」力壓麥玲玲　唔怕爛桃花最緊要事前講清楚

由麥玲玲主持嘅《玲玲友情報》最新一集嘉賓有「最強body」郭珮文，一件簡單到極致嘅灰色Tshirt，成功吸引觀眾嘅線視。

玲玲師傅十分直接，一嚟就問郭珮文到底有無女仔朋友，平時同朋友出街會否被敵視。同過郭珮文合作過幾次，麥玲玲都認為佢係唔多出聲，當大家活躍舉手時，郭珮文只會坐埋一邊，但性格屬於男仔喜歡。郭珮文亦坦言無信心做主持。「因為怕講錯嘢，個腦要run 一次，但run完可能已經錯過咗時機，同埋我唔識得睇場合。」郭珮文仲話自己有社恐，極少參加party。郭珮文之後仲話自己喺香港零搭訕，講完連玲玲姐都覺得不可思議。

郭珮文又謂唔怕爛桃花，最緊要一開始先講明：「如果你直接想玩，如果我覺得你OK，咁我⋯⋯你咪呃我感情，因為咁樣就係渣男。渣男目的可能係想瞓覺，但佢先呃你感情，得到想要嘅嘢就走咗去，咁唔係咁好。」擇偶條件方面，郭珮文表示最緊要有責任感、包容性