鄭梓浩偷食斷正前度斥有偷食癮 袁鳳瑛：呢個要大家轉介

袁鳳瑛90年代憑由劉德華與吳倩蓮主演電影《天若有情》主題曲火速爆紅，其後因為未能適應娛樂圈遊戲規則選擇離開，繼而在公開大學進修醫療輔導及心理學， 一直從事家庭輔導工作至今。

今晚（6/9）袁鳳瑛以嘉賓身份現身沙田大會堂出席慈善演唱會。對於近日有「中2生」鄭梓浩被前度女友直斥「渣男」，指拍拖7年期間不斷偷食斷正，更在參加《中年好聲音2》搭上孫耀威人妻胞妹孫美賢，力數鄭梓浩有心理病，有鋪「偷食心癮」。作為一名心理輔導員袁鳳瑛接受《香港01》訪問時表示：「其實我都有留意娛樂圈嘅新聞，因為都好想了解佢哋嘅心態。而我就會諗個男仔會唔會喺個正印上面，未能得到一啲嘅滿足，就好似以前啲皇帝咁。想嘗試去得唔得到，自己渴望嗰樣嘢，咁所以我哋喺輔導嘅時候，係要慢慢去了解佢哋本身嘅需要問題。（鄭梓浩需唔需要輔導？）哈哈，呢個要大家轉介，因為我唔可以主動，同埋要佢自己願意先得。」