石修型爆Y2K打扮抽閃卡 重現「石修催眠法」：一張、兩張、三張…
撰文：鄧穎琪
出版：更新：
石修2004年在無綫《隔世追兇》中，於叢林內靠催眠匪徒成功脫險，成為一大經典場口，劇中對白為：「我當時好危險，生命受威脅，於是我停落嚟，我望住佢，我咁同佢講……你流緊血喎，你睇地下，一滴、兩滴、三滴……就係咁，催眠咗佢喇。」這幕更被網民命名為「石修催眠法」，石修於2011年的劇集《荃加福祿壽探案》中，曾以「自抽」形式重演催眠術。
近日英皇Pop-up store幫旗下藝人出閃卡，石修都有份，他親自去到抽卡，以極具Y2K感的打扮現身，完全看不出已76歲！而石修抽卡時也相當入戲，重現「石修催眠法」，他說：「弊！你跌咗張卡喎，一張、兩張、三張……」網民以劇集對白回覆：「就係咁，佢催眠咗我。」亦大讚他Keep得好，髮型同髮量都拍得住20年前，甚至更有型！
.