女團VIVA出道3個月唱校園騷 成員ValC台上險走光:套衫甩咗落嚟
英皇娛樂推出新女團VIVA,由姜咏鑫(Ada)、李晞彤(Carina)、馬思惠(Macy)及張鈊貽(ValC)組成,今年5月27日正式出道。近日VIVA應邀到學校演出,適逢是女團出道3個月的日子,所以份外有意義,加上學生們的熱烈支持,令她們非常開心和興奮,不過團中「跳舞擔當」ValC在演出期間,卻因為一件突發事件衝回後台,事後發文感遺憾。
ValC在Threads分享當晚演出片段,4位成員演繹歌曲《DTR》,但只演出了不足30秒卻出現狀況,ValC上衣的綁頸位斷開了,衣服隨即下滑,她馬上用手緊緊按住上衣,起初還想堅持,後來上衣愈跌愈落,為免走光,ValC無辦法下衝回後台整理,到尾段才再次上台完成演出,ValC隨即進入狀態,獲得台下學生們的歡呼聲支持。
ValC事後發文說:「今日去咗和聲書院表演,跳咗無30秒我套衫甩咗落嚟。本身諗緊可唔可以頂硬上,但係冇辦法自己搞唔到,所以跑咗落台。台下處理緊嘅時候,我經理人變咗我主人,唔肯放我出公園玩,正係可以企係(喺)到望。」
ValC續言不想令大家失望:「特別因為feel到今日和聲嘅反應同觀眾超級熱烈,好唔想放過個台同令佢地(哋)失望,就算最後跑返上個台表演完嗰45秒都係抱住啲遺憾,所以最後我地(哋)決定左(咗)重新表演多一次!我地(哋)連續練習係有呢個用途嘅,辛苦曬了我隊員們。雖然我依家都仲係未好望得實觀眾對眼,因爲我內心同我247打緊仗,不過今晚真係出道以來最開心嘅一個表演,真係令我慢慢得返啲自信返來!我會好好記住今晚嘅feel,多謝你地(哋)」。
成員Carina留言說:「俾你日日笑我rap 今天救了你」:粉絲們也為她打氣:「雖然出咗一啲小狀況,但係你哋最終都係完成到表演,你哋係最叻嘅。堅持俾觀眾一個完整嘅表演,為你哋點讚」、「好叻女,我唔識形容,但真係好叻」、「已經做得好好了」等等。
VIVA是英皇娛樂繼Twins之後,相隔23年再打造的女團,每一位成員在團中也有不同的崗位。她們早前接受《香港01》訪問時,Ada分享自己角色是「家姐擔當」,之前在韓國訓練期間會負責每一個成員的飲食餐單。VALC則分享:「我係跳舞擔當,主要負責分擔記錄成員舞步方面。」Carina指自己是團中的說話擔當,並笑言:「我係康樂組組長,維繫同埋聯繫成員嘅負責人,好似半個社工咁。」Macy形容自己是唱歌擔當:「唱歌嘅時候要俾多少少意見成員。」