伍仲衡做完音樂劇戲癮大發 公開爭取拍戲：做路人甲都OK
撰文：鄺鈺瑩
出版：更新：
《中年好聲音3》今日進行錄影，除伍仲衡、肥媽、張佳添等外，周吉佩、支譽儀、古淖文、譚輝智亦有份加持。經歷過兩屆嘅《中年好聲音》，伍仲衡已經對長時間錄影感到習慣，仲話最開心係有肥媽「萬歲」，食到十分飽肚。
對於今次香港區100強、大灣區20強以及新馬區20強，問到會否影響賽制，伍仲衡參賽者會一齊晉級再爭三甲，而他亦有參與新馬、大灣區嘅PK賽，實力有高有低。「好多人都因為比賽一路進步，去到一半先真正覺得勁，最初我都唔個譚輝志。要去到50強先去到真貨色。」
提到剛完成嘅兒童音樂劇場 2024《神奇學生》，伍仲衡表示十分享受，因為可以浮誇、高能量演出，唯一缺點係要記台詞。「無得NG，我排咁兩個幾月，不過有啲嘢叫發台瘟，但我好專業，有一幕我PK，導演想我有反差，後來我都有PO返條片，啲人以為我真仆，我幾有滿足感，我演技令人覺得我真係PK。」挑戰完舞台劇，伍仲衡目前最想做戲，仲話連路人甲角色都唔介意，但亦想挑戰間諜。