《特勤女團》｜邵美琪演鍾柔美阿媽 孖關禮傑齊唱歌：唔好笑我
撰文：張祖銘
出版：更新：
邵美琪(Maggie)今日（20日）出席新劇《特勤女團》拜神。這次是Maggie相隔五年重返TVB拍劇，她接受《香港01》 訪問表示：「唔緊張啦！因為啲同事好好。」她透露在新劇當中會飾演有錢的太太和有一個十幾歲大的女兒鍾柔美（Yumi)。她說：「因為我本身係冇小朋友，都要經驗呢一個經驗，好彩我有一個好朋友黎瑞恩，佢有個女嘅差唔多年紀，咁我就去偷師，其實又唔係話偷師，係因為我同咗佢相處之後，不過咁啱接咗呢齣劇又有呢個劇情。」
新劇孖關禮傑齊唱歌
提到Yumi指飾演母親的邵美琪氣場很大，她表示：「能夠令佢放鬆嘅就係傾偈，私底下會傾吓唔關於戲嘅嘢，問吓佢有冇拍拖屋企點，我哋私底下都會傾。」講到劇中是否會與飾演老公的關禮傑大展歌喉，她說：「係，希望大家唔好笑我唱歌啦！傑哥唱得好好。」她指自己已經調節好拍劇作息，並表示：「我當自己去咗加拿大美國。」