梁漢文自拍照驚現大細眼 被網民批顏值崩壞：經常要飛有啲攰

現年52歲歌手梁漢文（Edmond）憑內地綜藝節目《披荊斬棘的哥哥》而人氣火速爆升，近年長駐內地發展賺人仔。Edmond不時會在社交平台分享日常，早前他上載了一張在飛機艙內的自拍素顏照，雖然他頭戴帽子，但難掩殘樣。有網民直指他顏值懸崖式下跌崩壞，連面上鬍鬚變白兼眼腫腫，驚現余文樂的 大細眼，有網民留言關心問：「做乜隻眼腫成咁，喊過嚟？」

梁漢文今日（17/8）現身澳門出席無綫節目《相約澳門「京」豔之旅》錄影，就事件接受《香港01》訪問時表示：「其實因為經常要飛，點都會有啲攰，就好似之前係美國做完演唱會，跟住就漏夜要飛過去，做完東岸又要飛去西岸，有時候喺飛機上面未必訓到覺，到落機嗰晚就要跟住唱，變咗又真係幾攰㗎，咁明白做我哋呢行係冇辦法。」