高材生鍾柔美祈福連環寫錯字惹熱話：我覺得寫錯字都好正常
撰文：吳子生
出版：更新：
鍾柔美（Yumi）早前考DSE，校內以第一名成績優異畢業，但可惜放榜後她表示對DSE成績不滿。近日她與好友前往台北旅行，不忘在社交平台上載放天燈祈願照及影片，並留言：「I've missed Taipei already」，不過有眼利網民發現在天燈上的祈福字句有不少錯字：「每日都比（畀）幸運女神春（眷）顧，入到心義（儀）大學，演藝事業，跳唱越來越勁！步步高升（陞）。」有網民好心留言提醒。
今日（9/8）Yumi現身灣仔會展出席星光熠熠耀保良》拜神時，接受《香港01》訪問時說：「其實嗰啲字，我同我嘅朋友都有份寫嘅，好多謝網民留言話我知 ，我哋寫錯字，自己睇返，如果大家唔講嘅話，我都真係唔知自己寫錯。同埋多謝大家留意得咁仔細，自己都知網民好擔心我嘅語言能力，咁我覺得寫錯字都好正常，同埋好普遍嘅一件事，咁我都好多謝大家去提醒我，之後我就會留意返。」