《東張西望》男主持稱唔需要加人工　霸氣言論曾志偉五體投地

TVB主席許濤上月設宴慰勞《東張西望》一眾台前幕後，許濤致辭期間，有台下工作人員大叫「加人工」，許濤就笑笑口耍走，不過都為在場的員工準備利是以作鼓勵。而一班主持與TVB總經理（節目內容營運）曾志偉一同受訪期間，竟有一名男主持霸氣講道：「我冇嘢要求，我唔需要加人工，因為我為興趣啫，服務大眾。」此番言論一出，唔止令在場主持們一陣嘩然，更令曾志偉佩服得五體投地。

這位揚言「唔需要加人工」的元老級男主持就是現年51歲的區永權，家住貝沙灣豪宅的他家中坐擁無敵大海景，兩名兒子均就讀國際學校，的確非常富貴。

區永權2003年加入有線，同期一起做娛樂新聞台主持的，還有黃翠如、梁嘉琪。離開有線後，中間曾加入now，2015年跳槽無綫，至今成了很多街坊認得的《東張西望》主持。他更曾自資出歌《把稿當歌》，花五位數拍MV。區永權與圈外太太Clara於2009年結婚，翌年造人成功，大仔在2011年初出世，同年12月再誕細仔，一家四口好幸福。