周吉佩支嚳儀否認集體杯葛曹敏寶：清白係我哋大家嘅底氣

前港姐冠軍曹敏莉親妹曹敏寶（Mable）今年年初爆出疑與《中年好聲音》參賽者人夫梁浩銓搞婚外情，導致工作量大減，其後有指曹敏寶遭到「中一生」戰友周吉佩、支嚳儀、羅啟豪等集體杯葛。昨日事件中女主角曹敏寶首現身並回應事件一度爆喊，稱與梁浩銓已沒有聯絡，提到被集體杯葛，曹敏寶表示：「佢哋喺我心中當然係朋友。有時候一家人都會有爭執嘅時候，我控制唔到其他嘅事，只可控制自己嘅心態。」

今日（26/7）「中一生」周吉佩和支嚳儀現身電視城出席《TVB 2024巴黎奧運直播基地啟動禮》，就事件接受《香港01》訪問。吉吉表示：「其實真係唔知道佢爆喊呢件事，我諗呢段時間俾啲空間佢，變咗都唔會打電話俾佢，費事煩到佢。始終佢喊都有佢嘅原因，而我個人都唔鍾意去煩人嗰啲人嚟。」對於曹敏寶暗指與他們有爭執。吉吉續說：「我知道最近係有好多謠言，又話我哋唔團結。」支嚳儀接著說：「我想講清白喺我哋大家嘅底氣，總之大家嘅心態係健康，我哋係好專注喺我哋嘅舞台上表演好定唔好，我哋大家都係戰友。」