惠利現身香港心情大好狂派心 盼有機為新戲再訪港宣傳

韓國女星惠利今晚（25日）現身尖沙咀，出席時裝品牌發佈會。久未來港嘅惠利一現身，即以廣東話同大家打招呼，她又表示此行除咗想去品牌店之外，亦希望有時間上山頂睇風景，而惠利亦表示今日能夠見到香港人粉絲感覺十分幸福，希望可以留耐啲。

而提到早前在「NEW YORK ASIAN FILM FESTIVAL 2024」上獲亞洲新星獎，惠利表示十分榮幸，而佢亦趁機同當地影迷見面。「如果電影之後喺香港上映的話，都希望可以同大家見面。」惠利亦透露目前已開拍電視劇，預計下半年會好忙，但都希望有機會再嚟香港。

訪談結束前，惠利再一次感謝粉絲到場，亦辛苦現場嘅媒體，並廣東話「多謝」向大家表達謝意。