洪永城披露北韓被迫簽悔過書細節 拍錯廢墟導遊大發雷霆後果係..
撰文:張寧兒
出版:更新:
藝人洪永城(Tony)拍旅遊節目深入民心,2015年他曾拍攝節目《在那遙遠的地方-北韓》,曾自爆違規須寫悔過書,近日洪永城再拍片,披露更多當年到訪北韓的細節。
洪永城憶述當年到訪北韓時,帶了一本由美國作者撰寫關於北韓的書籍入境,剛抵達北韓已被帶走,「我被好粗暴咁帶去一個地方,審問本書係咪我寫嘅?講咩?點解咁樣?最後我要簽悔過書先可以走。」
洪永城又想起,當年攝影師被吩咐只可拍一個位置,怎料攝影師不小心拍到了廢墟,「跟住個導遊大發雷霆:『我淨係叫你拍呢忽,唔好拍呢忽。』跟住叫我哋即場刪除條片。」另外,洪永城曾想送禮給一位導遊,卻被導遊回絕,「佢話唔收,因為我收咗,另外兩個導遊冇嘅話,佢哋可能會報告畀領導,『點解淨係送畀佢?係咪有咩特別嘅聯繫、利益?』」