文頌男逝世｜29歲生日曾剖白心聲　做25次電療：好厭倦呢啲生活

抗癌勇士文頌男今日（13日）傳出死訊，終年29歲。J2台《不正常愛情研究所》主持文頌男（Koba）去年10月確診患上罕見癌症「尤文氏肉瘤」（Ewing’s Sarcoma），之後全面停工及積極接受治療。文頌男在今年5月26日迎來29歲生日，至親為他簡單慶祝，當時他透露已完成25次電療，惟病情反覆曾令他相當灰心：「覺得自己無論身體定精神上都已經好疲憊，好唔想再捱落去。」

28歲抗癌勇士文頌男仍需接受11次電療　嗎啡份量愈來愈重仍難止痛

Koba獲媽媽家姐及好友在家溫馨慶祝29歲生日，全家福中見到他捧着蛋糕笑容燦爛，在眾人起哄下準備切蛋糕，鏡頭外有人說：「29歲啦，提醒下你。下年轉字頭（30歲）啦！」Koba微笑回答道：「仲有下年…希望。」笑容中帶一點無奈。

Koba抗癌之路十分辛苦，他指醫生安排他做28次電療，早前已完成25次：「喺呢段期間，我身體成日都覺得好唔舒服、食唔落嘢、食完又好想嘔返出嚟，成日都覺得好眼瞓、好攰、體力好差、做少少嘢就索曬氣，就係因為咁，所以我好耐都冇出Post，連玩Social Media嘅精神都冇。成日瞓喺張床度，會諗到好多嘢，成日都好驚，會唔會以後都係咁樣呢？又跛又痛、連去個廁所都好辛苦、食唔到嘢又要逼自己食、隔幾個鐘就要食一次藥，真係…真係好厭倦呢啲生活。」但家人、朋友，以及一直關心他、捐款支持他的網民，令他有活下去的動力。