張敬軒屋企遭鋼琴老師誤闖 對方網上發佈感錯愕：將啲嘢擺晒上網

張敬軒（軒公）今日（12/7）現身尖沙咀出席品牌活動。提到日前有自稱鋼琴老師在社交媒體聲稱誤闖他的住所，惹起網上熱話。軒公接受《香港01》訪問時確認有此事：「因為呢排屋企裝修，變咗屋企後門係容易突破咗啲，而對方因為係鋼琴老師，加上之前經常喺呢度出入，變咗保安又冇特別去留意，就產生咗一個美麗嘅誤會出嚟。呢位鋼琴老師係一位靚女嚟，呢個世界好唔公道，原來靚嘅女仔係會通行無阻，就好似我咁，哈哈！」

軒公指出從網上得知自己屋企被人誤闖：「因為佢將啲嘢擺晒上網，所以喺小紅書度紅咗，都係我經理人就截圖俾我睇我先知。之後我都就呢件事情同大廈管理處溝通，希望佢哋注意吓。好彩今次係鋼琴老師，始終而家都會有發生盜竊問題，變咗都會影響我嘅安全感。」