戴祖儀為新角色拍打戲作準備 每日拉筋半小時：本身自己係筋硬派
撰文：吳子生
出版：更新：
戴祖儀（Joey）今日（10/7）現身尖沙咀出席新城節目錄影大玩空中瑜伽。Joey受訪時透露首次大玩空中瑜伽相當刺激：「本身自己係筋硬派，雖然細個嘅時候玩過藝術體操，但考唔到個試之後就冇再去考，變咗之後係報復式唔拉筋，搞到而家啲筋係硬嚟硬去。嚟近我要為一個新嘅角色作準備，地獄式咁去拉筋，主要係想短時間內拉鬆晒啲筋，因為個角色係有打戲，同埋希望到時踢腿嘅時會好靚，不過要做到一字馬，都仲有一段距離，變咗我而家每日都會拉半個鐘練一字馬，希望一個月內會有成續。」