36歲前港姐冠軍沙灘放狗好性感　長年Keep住最佳狀待嫁

現年36歲的港姐冠軍陳庭欣（Toby）自從與坐擁10億身家的彩豐行老闆楊振（Benny）拍拖，即升呢更搬入九肚山洋房，不時大曬豪宅。多年來，她與男友感情看來相當穩定，即使有雜誌曾影到Benny與一名金髮女子結伴出海玩，不過陳庭欣對此就表示：「朋友唔係男就係女」，直言這麼普通的事不多作回應，依然相信男友，看來兩人打風都打唔甩。而陳庭欣亦越來越Fit，隨時Keep住最佳狀待嫁！

日前，陳庭欣就去到海星灣放狗，更留言：「香港實在太少沙灘可以俾狗狗一齊去啦～今日第一次帶一姐去沙灘，佢好鍾意游水，仲玩到全身泥沙。可惜海星灣依度冇任何沖身設備，有啲唔係咁方便。」泳衣上陣的她豐滿的胸部線條盡現人前，而且大騷長腿，極之性感，震撼網民視覺。不少網民都睇到心心眼，大讚她索到爆。