83歲蔡瀾憶點解唔食三文魚　對某食物有陰影：食到成口都係血

香港人熱愛食魚生壽司，當中很多人熱愛三文魚，但美食家蔡瀾曾撰文指「日本人是不吃三文魚刺身」，近日他拍片講述恐怖經歷，直接令他從此不敢吃生三文魚。

「香港四大才子」之一、現年82歲的蔡瀾去年不慎跌倒，令股頸骨摔碎，並需要做手術，出院後甚少露面，亦要以輪椅代步。至近日逐漸重新活躍社交網，他以「為什麼蔡先生不吃三文魚？」為題拍片分享多年來陰影：「因為有一次經過超市時，見睇到塊三文魚好新鮮，但仔細咁睇，有蟲！從此就驚，所以我對三文魚印象好壞。」但其實蔡瀾不是完全不吃三文魚，曾大讚：「澳洲塔斯曼尼亞所買的三文魚，那種大西洋的野生三文，天下美味，至今不忘。」

除了三文魚，原來有另一種食物令蔡瀾「提起都驚」：「有一次從新加坡坐車去吉隆坡遊玩，途中見到菠蘿園一望無際一堆堆成座山咁，話途人可以免費享用，我咪拎嚟食，食食下朋友話我滿口都是血，吐出來睇果然全部是血，原來菠蘿有很多纖維，會割傷口腔裡面的組織，所以成口都係血。唔使講食，只要講起菠蘿我都驚啦。」