【食花生】吳彥祖拍美國災難片做閒角　不如改睇佢套美劇啦

昨晚跟朋友吃晚飯時，提到近來的電影時有人就開始抱怨，近來的電影是新酒舊瓶，題材重覆不特止、演員又經常重覆、更過份的是劇情也重覆。電影院播放的永遠是英雄片，災難片，愛情片。係啦，電影永遠都係呢啲題材，而觀眾永遠都會買飛入場。另外，大家又會因為吖邊個邊個香港演員有份演套戲而俾嗰100蚊入場。

要數拍過荷理活片嘅香港演員，其實10隻手指數得晒，除咗外國人最愛嘅Jacky Chan之外，仲有Angelababy、宇宙最強丹爺、洪金寶、發哥、楊紫瓊、劉家輝。近期仲多咗個吳彥祖。
其實之前《魔獸爭霸：戰雄崛起》飾演獸人巫師古爾丹已經表現得好好，可惜在見唔到個靚仔樣。近期吳彥祖有份拍的荷理活片《Geostorm》(釋名：《人造天劫》)終於唔使再化妝加CG先出鏡，再加上有旺角景睇下就very good啦。
講返套戲其實又係災難片，其實同之前嘅《驚濤駭浪》、《2012末日預言》、《絕世天劫》相差無幾。講嘅都係天災加人禍然後一個主角救世界跟住Happy Ending。《人造天劫》套戲就未上嘅，所以宜家評套戲唔好睇呢，就過份咗少少。不過淨係入場睇下《戰狼300》個主角謝拉畢拿同香港男神吳彥祖都吸引嘅。

話時話，吳彥祖主演套美劇《荒原》就好得多，有未來感得嚟又有武打場面，仲要一次打十幾個，動作場面又唯美，套劇仲有馮德倫做動作導演㗎。相比起電影呢啲大製作，套劇真係好睇好多。而睇完《人造天劫》個預告片之後，我都係決定留返啲時間同朋友食多餐飯算數。