AK江爗生為個唱養「睛」蓄銳 增肥計劃尚未成功
撰文:鄺鈺瑩
出版:更新:
AK為新歌《偽映畫預告》首與Jay Fung合作寫歌,MV穿插八部經典電影場景,為令「生粉」有不一樣觀感,今日特地喺戲院舉行首播會,而AK仲準備埋《鐵達尼號》嘅海洋之心送畀幸運生粉。
AK接受訪問時表示喺大螢幕見到自己確係有少少尷尬,但能與「生粉」見面確係開心。7月開騷嘅AK,近日積極排練,雖然有少少壓力,但都屬正面,因為可推動自己。「增肥計劃暫時都係麻麻哋,有盡力唔好俾自己瘦,因為開始排舞消耗都大,所以都盡量唔好俾自己瘦。」提到近日出席活動時,AK多以墨鏡以示,他笑指除為靚仔外,是因為眼睛受強光影響會流眼水。「所以而家真係養睛蓄銳。」