陳懿德首次做奧運節目主持怕甩漏狂做功課：明白自己經歷比人哋少
撰文：吳子生
出版：更新：
陳懿德（德德）今日（15/6）現身中環出席《TVB 全城迎奧運》宣傳造勢活動。德德受訪時表示：「其實今次係我第一次主持奧運節目，對我嚟講個意義好大，明白自己經歷比人哋少，咁希望盡量睇多啲新聞同關於奧運相關嘅資料，去彌補我嘅不足，變咗我而家係不停咁做功課。不過我知公司係準備咗一本好厚嘅天書俾我哋，當中係有好多關於奧運項目嘅資料。不過都怕自己當日嘅表現有甩漏，咁所以都會鼓勵自己，要俾信心自己。就好似之前做節目巡禮司儀咁，都要背晒稿咁，變咗每一次都係一項新挑戰嚟。」