【港姐2017】劉穎鏇認中文唔流利有影響 大膽挑戰急口令
撰文：黃梓恒
出版：更新：
香港小姐最後12強終於出爐，今次本來有兩位「外國勢力」參賽，第一位Perrie在第一輪已經出局，而另一位Christina亦無緣進入12強階段。不少人說她們出局是因為中文不流利，究竟能說流利的中文對選港姐是否很重要呢？上年的亞軍劉穎鏇（Tiffany）雖然不像她們是外國人樣子，但在美國出生，自少在美國長大，連她自己亦承認過自己的中文程度只有小學水平。
當Tiffany接受《香港01》訪問時，問到她有沒有留意今屆的候選佳麗，她說：「我都有睇過吓嘅，亦都知道已經有12強出咗嚟，不過暫時都未有心水，始終自己都想同佢地見吓傾吓，對佢地印象先可以深刻啲，到時就可以揀心水喇。」她亦指出在香港不能講流利的中文的確會對溝通有影響，亦可能會因此扣分，「講流利中文未必係最緊要，因為我都見唔少亞洲人會參加外國的選美活動，雖然外國講英文，唔少亞洲人講英文都好叻。如果喺香港無流利嘅中文，可能有衝突嘅地方係好難同人溝通，因為我中文都唔係話十分好，所以我自己都見到有啲困難嘅地方。其實我都慢慢進步緊，如果大家有留意我開live，我都會盡量讀晒網民啲留言，因為我都想知大家對我嘅意見，因為我get到佢地想講嘅嘢，我都會覺得自己有進步，會開心架。我最大嘅問題係講嘢太快，如果我講嘢慢少少可能會咬字清楚啲。」記者即場叫Tiffany試講急口令，雖然過程有點艱辛，不過都算係咁喇！
+5