香港小B選舉|谷德昭得知泳裝問答「著著地」:即係搞到啲細路?

撰文:洪曉璇
出版:更新:

由谷德昭、沈殷怡(Shirley)和曾贊學(阿神)擔任主持的ViuTV全新節目《香港小B選舉》,展開一個別開生面的「兒童選美會」。以「德智體群美」為主題進行連場比試,考驗小童的潛能!原來谷德昭剛接到工作邀請時都打個突:「泳裝問答?咁即係搞到啲細路?」

由谷德昭、沈殷怡(Shirley)和曾贊學(阿神)主持ViuTV別開生面的「兒童選美會」《香港小B選舉》,以「德智體群美」為主題進行連場比試,考驗小童的潛能!
由谷德昭、沈殷怡(Shirley)和曾贊學(阿神)主持ViuTV別開生面的「兒童選美會」《香港小B選舉》,以「德智體群美」為主題進行連場比試,考驗小童的潛能!

節目中小B們的妙問妙答令大人回心微笑,谷德昭坦言十分佩服香港的父母:「係一個充滿競爭同好多比較嘅社會下,去養育小朋友係一件好勇敢嘅事嚟。為咗俾小朋友喺起跑線上有個好啲嘅位置,俾佢地學習好多嘢。都戥佢地辛苦,好多嘢做。新一仲忙過MIRROR,不過佢係屬於享受咁樣生活嘅小朋友。」

鄧善瑜(小善)表演跳舞
霍曉澄(Monna)表演魔術
溫善晴(Eunice)表演跳舞
葉卓嵐(卓嵐)表演彈鋼琴
薛然熹(熹熹)表演跳姜濤的《Master Class》
加藤新一(新一)表演唱歌

谷德昭在社交網分享接主持棒的趣事:「ViuTV打嚟搵我,問我有冇興趣主持一個小B選舉節目,頭幾集會係一個選美比賽……我聽完吓一聲?即刻著著哋,「咁使唔使泳裝問答?」「要㗎!」「吓!咁即係搞到啲細路?」「唔使扯火住,我慢慢講你聽…」於是個樣個個鬼咁有Heart的節目組將佢哋嘅創作理念詳細地講俾我聽:選美比賽只係熱身,藉此同小朋友玩熟,拍攝時我經常掛在口邊的一句話是:「小朋友與家長都要玩得開心,將來有一段快樂的回憶,如果播出時觀眾都鐘意,咁就贏贏贏贏,恭喜發財!」」

谷德昭笑言小B 加藤新一仲忙過MIRROR
谷德昭爆料一開始知道小B要泳裝問答即刻「著著地」
谷德昭沈殷怡(Shirley)主持《香港小B選舉》
谷德昭沈殷怡(Shirley)主持《香港小B選舉》